Vídeo do Museo Etnolóxico de Ribadavia

 

IES O Ribeiro e o Museo Etnolóxico

Durante o curso 2024/2025, o IES O Ribeiro embarcouse nunha aventura educativa moi especial: o proxecto “O Noso Museo”, unha iniciativa integrada no Plan Proxecta+43 de educación patrimonial da Xunta de Galicia, dentro da modalidade de Museos e Patrimonio. A través desta proposta, o centro buscou conectar o alumnado co patrimonio cultural da súa contorna máis próxima, colaborando de xeito activo co Museo Etnolóxico de Ribadavia. O obxectivo era claro: achegar aos mozos e mozas ao mundo dos museos, da etnoloxía e da memoria colectiva, pero facéndoo dun xeito vivencial, creativo e adaptado a cada nivel educativo. Un proxecto, moitas experiencias A proposta desenvolveuse ao longo de todo o curso escolar e contou coa participación de grupos de 1º a 4º da ESO 

1º Trimestre: primeiro contacto co Museo 

 

O proxecto arrancou cunha visita ao Museo Etnolóxico, onde o alumnado participou en obradoiros dinámicos deseñados polo equipo do museo. A través de conversas, xogos, reflexións colectivas e visitas guiadas ás instalacións, os estudantes foron introducíndose no mundo do patrimonio, aprendendo que é a etnoloxía, como funciona un museo e que papel xoga na preservación da historia e da cultura. Preguntas como “Que obxectos deberían formar parte dun museo?” ou “Que representarías ti se tiveras que doar algo ao futuro?” serviron de punto de partida para reflexionar sobre identidade, memoria e cultura material. Estes obradoiros non só achegaron contidos, senón que sementaron a curiosidade e a motivación que alimentaría o traballo dos seguintes meses.

  

2º Trimestre: a creación toma forma Xa nas aulas, e coa inspiración da visita ao museo, e o acompañamento das profesoras ao cargo, cada grupo desenvolveu un proxecto propio:

• 1º ESO optou por propostas moi creativas:
  • Deseño dunha mascota tridimensional para atraer a visitantes infantís.
  • Creación dunha cápsula do tempo con obxectos significativos.
  • Carteis promocionais para o museo.
  • Campaña de doazón temporal de obxectos patrimoniais.
• 2º ESO centrouse na divulgación e na investigación:
  • Preparación de xogos tipo Kahoot e charlas para alumnado de Primaria.
  • Pequenas investigacións sobre personaxes, lugares e acontecementos da historia local.
• 3º ESO traballou dende unha óptica audiovisual:
  • Creación de vídeos curtos promocionais estilo TikTok
  • Previamente á gravación deste vídeos elaboraron os guións técnicos, storyboards e toda a planificación necesaria para presentar o museo dunha forma actual e atractiva.
• 4º ESO foi un paso máis alá:
  • Detectaron o desinterese doutros compañeiros polo museo e decidiron actuar.
  • Prepararon unha charla divulgativa con vídeo, presentación e xogo interactivo.
  • Grazas a Dirección Xeral de Patrimonio puideron participar dun obradoiro de organización de eventos, onde aprenderon a planificar, xestionar tempos e comunicar en público para despois poder realizar á charla sobre o Museo Etnolóxico ao resto de compañeiros  e compañeiras das clases de 4º.

  3º Trimestre: compartir para aprender

 

A recta final do proxecto consistiu nunha posta en común dos traballos, na que cada grupo presentou os seus proxectos ante persoal do museo. Esta fase foi clave: permitiu valorar o traballo feito, reflexionar sobre o proceso e aprender uns dos outros. Coa súas visitas ao centro, aportouse orientación e axuda na reformulación de propostas, adaptando recursos do museo para dar apoio ao alumnado. Un proxecto con impacto real “O Noso Museo” foi moito máis que unha actividade escolar: foi unha ponte entre o presente e o pasado, entre o alumnado e a súa cultura, entre a educación formal e o patrimonio vivo. Conseguiu:

• Activar a curiosidade e a creatividade.
• Fomentar a colaboración entre niveis e grupos.
• Conectar o museo coa mocidade dun xeito novo e fresco.
• Axudar a construír identidade a través da cultura local.

Este proxecto é un exemplo de como a aprendizaxe pode saír das aulas e enriquecerse co mundo real, facendo que o patrimonio deixe de ser algo alleo para converterse en algo propio.

PROXECTO FOTOGRÁFICO A PEGADA SEFARDÍ - 4º ESO

FOTOGRAFÍA EN CURSO 4º ESO

Fotografía en curso é un programa de difusión e pedagoxía da creación coordinado polo CGAI en colaboración co Plan Proxecta+, iniciativa da Consellería de Cultura, Educación e Ordenación Universitaria. Levamos varios cursos participando neste programa e nesta ocasión co alumnado de terceiro e cuarto da ESO nas materias de EPVA (Educación plástica, visual e audiovisual) e Expresión Artística e cos alumnos de primeiro de bacharelato de Artes, na materia de Proxectos Artísticos. Parte dos traballos fotográficos dos nosos alumnos e doutros centros poden verse no blogue do proxecto. Aquí tedes algunhas mostras dos nosos de 4ºda ESO:

FOTOGRAFÍA EN CURSO 3º ESO

Fotografía en curso é un programa de difusión e pedagoxía da creación coordinado polo CGAI en colaboración co Plan Proxecta+, iniciativa da Consellería de Cultura, Educación e Ordenación Universitaria. Levamos varios cursos participando neste programa e nesta ocasión co alumnado de terceiro e cuarto da ESO nas materias de EPVA (Educación plástica, visual e audiovisual) e Expresión Artística e cos alumnos de primeiro de bacharelato de Artes, na materia de Proxectos Artísticos. Parte dos traballos fotográficos dos nosos alumnos e doutros centros poden verse no blogue do proxecto. Aquí tedes algunhas mostras dos nosos de 3º da ESO:

FOTOGRAFÍA EN CURSO 1º BAC ARTES

Fotografía en curso é un programa de difusión e pedagoxía da creación coordinado polo CGAI en colaboración co Plan Proxecta+, iniciativa da Consellería de Cultura, Educación e Ordenación Universitaria. Levamos varios cursos participando neste programa e nesta ocasión co alumnado de terceiro e cuarto da ESO nas materias de EPVA (Educación plástica, visual e audiovisual) e Expresión Artística e cos alumnos de primeiro de bacharelato de Artes, na materia de Proxectos Artísticos. Parte dos traballos fotográficos dos nosos alumnos e doutros centros poden verse no blogue do proxecto. Aquí tedes algunhas mostras dos nosos de 1º de Bacharelato de Artes, imaxe e Deseño:

INTERCAMBIO ARTÍSTICO CO CPI DA CAÑIZA

Dende O IES O Ribeiro amosamos o noso Bacharelato de Artes, Imaxe e Deseño a centros da contorna.

Tivemos un intercambio co alumnado de 4º da ESO do CPI da Cañiza, antigo centro de Idaiara Carrera, polo que ela, con moita ilusión, foi a encargada de amosar os traballos que fixera este primeiro ano no bacharelato artístico. Falou tamén de como eran as materias, os estudos aos que se poden optar unha vez rematado este bacharelato e as súas saídas profesionais.

Fixemos con eles unha actividade de debuxo baseado na observación e finalmente acompañámolos á súa aula de plástica para continuar con eles un traballo de linogravado. Repetiremos a experiencia. Moitas grazas ao CPI da Cañiza pola súa acollida e en especial ao seu profesor de plástica Ángel.

 Podes ver unha noticia relacionada con esta actividade, publicada por la Voz de Galicia, 

no seguinte enlace