CONCURSO DE CARTEIS FEIRA DO VIÑO DO RIBEIRO

O bacharelato de Artes Plásticas, Imaxe e Deseño, seguindo coa tradición de cursos anteriores de enfrontarnos a traballos reais presentámonos ao concurso de carteis da 61ª edición da Feira do Viño do Ribeiro.

Os carteis de Luna e Andrea de 1ºBac quedaron finalistas entre os 20 mellores, e competían con máis de 80 carteis de deseñadores profesionais. Parabéns chicas, excelente traballo!!

TALLER DE ILUSTRACIÓN CON LAURA TOVA

Dentro do programa Lectura e Familias tivemos un taller coa ilustradora Laura Tova no que participou todo o bacharelato artístico. Traballamos sobre o proceso da ilustración partindo do enfrontamento de dúas ou tres ideas ou conceptos, o que outros autores lle cháman ilustración conceptual.

ARRANCAMOS FOTOGRAFÍA EN CURSO!

 

ARRANCAMOS!! Un curso máis afrontando fotografía en curso con moita ilusión. Este ano imos traballar cos grupos de 3º e 4º da ESO nun proxecto relacionado co importante pasado xudeu da vila de Ribadavia chamado “a pegada sefardí”

Nestas fotos podedes ver as dinámicas iniciais de achegamento ao fondo fotográfico co que comezamos a traballar nos cadernos que nós mesmos deseñamos.

O alumnado de bacharelato de artes creou para nós un pictograma para o espazo fotográfico que esperamos ter pronto cheo de vivencias.